Zwoa kohlschwarze Täubaln
Hab’n Flügel liechti
Und daß mi mei Büabal
Nit treu bleibt, fürcht i
Zweg’n was bleibst denn aus?
Zweg’n was kimmst denn nit her?
Mir ist halt, als war i
Dei Schatzal nit mehr
Mir hat von Valiebtsein,
von Treu sein was tramt
Und i wollt und i mecht
I hatts Wachwerden vasamt
Jatz ward ma so antrisch
Jatz ward ma so bang
I moan halt und fürcht halt
I machs nimma lang.
Wo is denn die Freud
Und wer hat ma’s entfüart?
Vor kurzem da hats no
Im mein Herzen loschiert
I suech und i frag
Und i find’s nimma mehr —
Sie is ma halt auszogn
Und’s Kammal is leer
Text und Musik: Verfasser unbekannt
bei Greinz-Kapferer, Tiroler Volkslieder S. 146
Deutscher Liederhort II (1893, Nr. 653 „Zweifel an der Treue“, ohne Melodie)
