Wat eß dat? Wat eß loß?
En dr Achterstroß,
’ne Knubbel Minsche steiht
un wat do vör sich geiht,
kein Deufel weiß Bescheid.
Alles eß verschreck,
jeder frög wie jeck,
wo kütt dä Rauch bloß her.
Un paar Minutte drop,
do woß ald jeder dat Malör.
Em drette Stock am Finster steiht
en Frau die wink un schreit
Kut erop! Kut eropl Kut erop!
Bei Palm´s do eß de Pief verstopp.
Et hät die ärm Frau Palm
die ganze Stuff voll Qualm.
Kut erop! Kut eropl Kut erop!
Bei Palm’s do eß de Pief verstopp.
Et hät die ärm Frau Palm
die ganze Stuff voll Qualm.
Alles läuf un rennt,
jeder schreit: Et brennt!
Et qualmt ald immer mie,
vör Neugier wie noch nie
loht alles en de Hüh.
Vun däm Rauch wie en Katz
koloraabeschwatz
die Lück sinn op d’r Stroß.
Als hätten se d’r ganzen Dag
em Dreck eröm gerooß.
Un zweschendurch en einer Tour
do höht mer schreie nur!
Kut erop! Kut eropl Kut erop!
Bei Palm´s do eß de Pief verstopp.
Et hät die ärm Frau Palm
die ganze Stuff voll Qualm.
Kut erop! Kut eropl Kut erop!
Bei Palm’s do eß de Pief verstopp.
Et hät die ärm Frau Palm
die ganze Stuff voll Qualm.
Mer sich denke kunnt,
en ’ner Veedel Stund
Die Feuerwehr wor do,
die sooch dä Offe noh
un jetz ich sage jo.
Dat dat kumme sollt,
wore Kinder schold,
wat han die sich gefraut.
Die hatte drei Paar nasse Söck
höhsch en de Pief gedaut.
Un immer hoht mer dat Geschrei,
obwohl et lang vörbei:
Kut erop! Kut eropl Kut erop!
Bei Palm´s do eß de Pief verstopp.
Et hät die ärm Frau Palm
die ganze Stuff voll Qualm.
Kut erop! Kut eropl Kut erop!
Bei Palm’s do eß de Pief verstopp.
Et hät die ärm Frau Palm
die ganze Stuff voll Qualm.
Text und Musik: Willi Ostermann (1876-1936) „Kut erop! Kut eropl Kut erop!“
in: Kölsche Musik , Köln , ca. 1930
