prak dat ſcal ſyn
Men ſcal der furſtynnen ſchencken wyn,
Se mach neyn ber gedrincken.
Des morgens do id dagede
Dat dagede in allen landen,
Do ſach man mannigen kerle valſch
Ghan vth al myt ſcanden.
Se hadde laden vpp eynen wagen
Eynen kalvescop (to kaluertop) vnde ryndesmagen
Se wolden dat ſlot beſcheten.
Henne Doryngh quam her gerand
To wulfelbuttel vp den groven
He to hertogen hinrike ſprack
Gy ſcullen Juw wol entholden
Her avensrote treten hir her
Dat weren hertogen hinrikes leve mere
Syn herte begunde ſick entvroyden.
[…………………………………]
Men ſcal den kerlen recht,
Dat ſe de duvel priſe.
Twar ſe ſynt van Yudas ſlechte,
Dat hebben ſe wol bewiſet,
Dat ſe eren heren verraden ha[n]
[Unde] hebben vordervet en vil gud land
D[at brochte ſe] ymmer ſcande.
De vns deſſen rey nü ſangk,
De is des wol bekennich,
Peter van Strazeborch is he genand,
He ſynget mit eren in allen land,
He hopet des he en hebbe nene ſchande
Manckt heren vnde manget furſten.
Rostocker Liederbuch (ca. 1450)
