Jaz müaß ma gschwindt en Feindt entgögn
das macht an jadn schiach vawögn
Nu schen langsam voran
Nu schen langsam voran
daß dö hintabeiög Landwöh
fein nacha kemma kann
Unsan Hauppma hab’m mar a aufg’wöckt
na hat sö hintan Zaun verstöckt
Nu schen langsam voran …
Von Ploanberg hab’m mar ahö g’schaut
aba koana hat sö ahö traut
Nu schen langsam voran …
Jatz gehn ma gen auf Ros’nham
und treff’n en Bauand’Hendl z’samm
Nu schen langsam voran …
En Biar wiard wohl koan Abgang sein
krad guat und gnuag so tats üns g’freun
Nu schen langsam voran …
Mia müaßn gar e’s Frankreich gehn
da Toifl wiard dö Sprach vastehn
Nu schen langsam voran …
Und wann mar en Paris aft hann
aft schreib i meina Muata ham
Nu schen langsam voran …
Text und Musik: Verfasser unbekannt
aus Salzburg
in Deutsche Soldatenlieder (1914)
offensichtlich die Originalversion der Krähwinkler Landwehr
