Nu lang mi de Hand her
un kumm mit din Kopp
un dar wo dat Hart sleit
dar legg em man opp
Denn hang ik di lisen
min Arm um de Nack
un küß di de Ogen
un strakel din Back
Denn sit wi to snacken
denn sit wi to dröm´n
und buten dar blinkert
de Steerns dör de Böm
Un buten is´t düster
und Fred op de Eer
un schull ik wat wünschen
ik wüß nich wat´t weer
Text: Johann Meyer –
Melodie: Em. Baldamus –
in: Schleswig-Holsteinisches Liederbuch (1924)
