Auf de schwäb’sche Eisebahne
Gibt es viele Haltstatione
Schtuegert Ulm und Biberach
Meckenbeure Durlesbach
Auf de schwäb’sche Eisebahne
Gibt’s au viele Restauratione
Wo mer fress’n und saufe ka
aelles was der Mage ma
Auf de schwäb’sche Eisebahne
Derf net mit was hat en Fahne
Sonst könnt ma in Wage gerbe
Und Verschiedenes verderbe
Auf de schwäb’sche Eisebahne
Dürfet Kuh und Ochse fahre
Bueble Mädle Weib und Ma
Kurzum aells was zahla ka
Wenn e Glöckle tut erklinge
Chän glei aelle z samme springe
Aelles wos e Karte hot
Möcht jetzt mit dem Bahnzug fort
Männer die im G sicht ganz bärtig
Schreiet laut es ist jetzt fertig
Springet in de Wage nei
Machet Löchle in d Karte nei
Auf de schwäb sche Eisebahne
Wollt emol e Bäuerle fahre
Goth an d Kass und lupft de Hut
Oin Builletle sei so gut
Einen Bock hat er gekaufet
Und daß er ihm net verlaufet
Bindet ihn der guete Ma
Hinte an de Wage a
Böckle tu no woidle springe
z fressa wur i dir schau bringe
Also schwätzt der guete Ma
Und zünd t sei Maserpfeifle a
Als der Zug no wieder staut
Der Bauer nach seim Böckle schaut
findet er no Kopf und Soil
Hinte an dem Wagetoil
Da packt den Baure e Baurezore
Er nimmt den Gaisbock bei de Hore
Schmeißt en was er schmeißen ka
Dem Kondukteur an d Aure na
Sell ischt des Lied von sellem Baure
Der de Gaisbock hat verlaure
Gaisbock und sein traurig End
Himmel Schtaegert Sapperment
So jetzt wär des Liedle gsunge
Hot’s nich recht in d Aure klunge
Stoßet mit de Gläser a
Aufs Wohl der schwäb’schen Eisebah
in: „Margarethe, Mädchen ohne Gleichen und andere neue Couplets & Lieder“ (Verlag: Kutzner, 1896)
1896