Mei Freud is die Alma
da bin i so gern
da glanzn viel schöner
und freundlicher d Stern
Da gehn liabe Lüfterl
viel reiner und mild
von Freud und von Lust
wird an s Herz ganz erfüllt
Da wachsen viel Bleamerl
so prächti und schön
wie drunt in den Gärten
net schönere stehn
Es wird mir ganz anders
wann i auf der Höh
hoch über die Dörfer
und Wälder dasteh
Dort unten im Nebel
woaß nit wie ma gschiacht
dort is ma halt z finster
herobn is so liacht
Viel z eng is ma druntn
herobn is a Freud
da wird ma die Welt
erst so groß und so weit
Text : anonym ? Volkslied ?
Musik: J. E. Schmölzer ()
in Alpenrose (1924)
