Keen Graff is so breet
un keen Müer so hoch
wenn Twee sik man gut sünd
da drapt se sik doch
Keen Wedder so gruli
so düster keen Nacht
Wenn Twee sik man sehn wüllt
so seht se sik sacht
Dat gift wul en Maanschien
dar schint wul en Steern
Dat gift noch en Licht
oder Lücht un Lantern
Dar finnt sik en Ledder
en Stegelsch un Steg
Wenn Twee sik man leef hebbt
keen Sorg voer den Weg
Text: Klaus Groth –
Melodie: anonym
in Schleswig-Holsteinisches Liederbuch (1924)
