Ik säch minen Heren van Valkensten
to siner Burch up rie´en
enen Schilt hadde he in siner Hant
blank Swert an siner Sieden
Gott gröte ju Her van Valkensten
Sin ji des Lannes Here ?
sau giewet mi wie´er den Gefangenen min
um aller Jungfruwen Ere
De Gefangene den ik gefangen hewwe
de is mi woren suer
he ligt to Valkensten in den Taurn
dorin sal he vervulen
Ligt he to Valkensten in den Taurn
sal he darin vervulen
sau wil ik wal tiegen de Muren tre´en
un helpen Lefken truren
Un os se wal tiegen de Muren trat
hört se ihr Lefken drinne
Sal ik ju helpen ? dat ik´t nich kan
dat nimt mi Witz un Sinne
Na Hues na Hues Fru Leweste fien
un treistet jue arme Wisen
Niemt ju up´t Jahr enen annern Man
de ju kan helpen truren
Neim ik up´t Jahr enen annern Man
mößt ik bi em ja slapen
Ik lete doch min Truren nich
slög he mine arme Wisen
Ei sau wul ik dat ik en Zelter hedde
un dat de Jungfruwen rie´en
sau wul ik met Heren van Valkensten
um minen fien Lewesten strieten
O nei o nei schöne Jungfruwe zart
dat möst ik dreigen Schanne
niemt ji juen Lewesten bi der Hand
un trekt met em ut den Lanne
Üt dinen Lanne trek ik nich
du giefst mi dan en Schriwen
wen ik nu kuome in t früömde Land
dat ik darin kan bliwen
Os se in ene graute He´e kam
wal lut fönk se an to singen
Nu kan ik den Heren van Valkensten
met minen Wor´en twingen
Un wen ik dat nich seggen kan
dahen wil ik et schriwen
dat ik den Heren van Valkensten
met minen Wor´en kan twingen
Diese Fassung der Ballade „Herr von Falkenstein“ : mündlich aus der Gegend von Westfalen ,
abgedruckt in Deutscher Liederhort (1856, Nr. 14b)
