Früsch uf ihr Jeger, früsch uf zur Jagd
Es goht i Buechewald use
Me seit, es syg e Wildsau dört
do löht ech´s nit loh gruse
Nur früsch druflos mit frohem Muet
me seit, das Fleisch syg donnersguet
Trara, Trara, trara.
Und wie si i da Wald sy cho,
Do loh si afoh rote
Wie wei mir jetz die Sach afoh,
As eus da Fang tuet grote?
Ze mache-n-isch es gar nit guet,
Drum Jeger, fasset frohe Muet!
Trara . . .
Der Ältst het gseit: Verteilet ech !
I will se goh ufmache,
Denn zylet gnau und treffet guet,
As d’Lüt nit chönne lache.
Avous, avous ! jetz fasset rächt,
Sust säge d’Lüt, mir jage Schlacht.
Trara . . .
Piff, paff, do lyt si scho im Bluet,
Si tuet e gar keis Zeiche.
Me seit, es syg der Jüngsti gsi,
Da heig se chönne breiche.
Die Jeger sy all freudevoll
Und singe-n-eis und juchze toll.
Trara . . .
Johann Lüthy (vor 1869)
