Eyn hillich licht und eyn hilch nacht
Unde eyn ſalich nyge iar
Eyn reyne maget en kynt gebar
Alze vns de ſcrift ſecht apenbar:
Dede alder werlde eyn vader is,
Nu help vns de ſulve criſt
(In) Seculorum seculis.
Nu iſt geboren unſe troſt,
De uns alle hefft vorloſt,
Van eyner maget ynnichlich,
Dat is god van hemmelrich
Dede alder etc.
…
[Wi moten] alle ſyn vorloren
Wer he nicht van der maget geboren
Dede alder etc.
God vader, ſone, heliger geſt,
Wente du alder herte wol weſt,
Vor dy nen dingh kan ſyn vorholen,
Liff vnde ſelen ſyn dick bevolen.
Dede alder etc.
Maria ſegene mik, ik hute up ſta,
Wor ik ride, wor ik ga
Yo bidde ik, ſe mik bewar
Unde bringe mik an der engel ſchar.
Dede alder etc.
Rostocker Liederbuch (ca 1450)
