Et litt en Stadt voll Glanz un Praach
Am schönsten deutschen Strom,
Do größe stolz op helliger Waach
De Tön vum iwigen Dom;
Wo eß en Heimat, schön wie ming?
Alaaf, alaaf mie Köl’n am Rhing!
Et klingk en Sproch su ganz apaat
Genöglich, leev un lus.
Se eß vun echter, deutscher Aat
Sprich frei un graderus;
En schöner nie em Ohr mer log
Alaaf, alaaf de kölsche Sproch
Et schleiht en Hätz, su treu wie Gold
För Fründschaff, Huus un Hääd
Dat bliev Humor un Fruhsenn hold
Ov Loß ov Leid et dräht
Kein ander eß su rich an Schätz
Alaaf, alaaf et kölsche Hätz
Text: Peter Berchem (1866-1922)
Musik: keine Angaben , Matthias Statz ?
in Kölsche Lieder ( ca. 1930 , Köln)
