En Wenter, wenns oft schtörmt on schneit
wenns wattern tut wie net gescheit
wenns Wendweha schmäßt
bis an Fenster ra, deß mr oft
net naussah ka, on is drzu racht pfarisch kalt
deß mr kan Hund nausschtußen tut
ja do is en schänstn of dr Ufnbank
wenn is Pfeifel brennt, do werd da Zeit net lang
Wenn is Feier brasselt, is en Schtüwel warm
do ka´s wattern, deß Gott der barm
On sitz mr nord racht besamm
do is Gemütlichkeit on Labn
do werd derzehlt on Hetz gemacht
bis oft nach Mitternacht
Dr Kaffeetokopp schtieht en dr Rähr
wer will, dar schöppt sich ei on do setzt mr
sich halt of dr Ufenbank
denn ben Kaffeetopp do werd de Zeit net lang
Wenn is Feier brasselt, is en Schtüwel warm
do ka´s wattern, deß Gott der barm
Öf dr Walt do is schu emmer a su
do schreitn da Leit on habn ka Ruh
a jeder will wos bessersch sei
on bildt sich en Schtiefel ei
Do is en bestn, mer nemmt sei
Pfeif on lacht sich när as drzu
denn en schänstn is of dr Ufenbank
wenn is Pfeifel brennt
do werd da Zeit net lang
Wenn is Feier brasselt, is en Schtüwel warm
do ka´s wattern, deß Gott der barm
Text und Musik: Volkslied aus Böhmen , mit Genehmigung des Herrn Anton Günther in Gottesgab (Böhmen)
in Deutsches Lautenlied (1914)
