A Hüatamadl mag i net,
Das is ma an die Wadln z´fett,
Tra ra tra ra….
Mag a Madl aus der Stadt
Des schöne runde Wadln hat
Tra ra tra ra….
A Bauernmadl kennat i,
Ja die hätt Taler gnua für mi.
Tra ra tra ra….
Doch die is dumm, du liaba Gott,
Die kennt sonst nix wia „wiast und hot“ .
Tra ra tra ra….
Dann wüßt i oane, die war recht,
Die gfallat mir scho gar net schlecht.
Tra ra tra ra….
Die nehmat mi, des woaß i gwiss,
Nur schad, daß s‘ scho verheirat is!
Tra ra tra ra….
A Madl aus der Stadt is z‘ fein,
Da fürcht i, die kannt brocha sei!
Tra ra tra ra….
Wann i s‘ nur anrühr, denk i scho:
„Die geht in Scherbn, was fang i o“
Tra ra tra ra….
Oft hat mei alte Ahnl plauscht:
„Schau, gheirat is net Kappn tauscht!“
Tra ra tra ra….
Drum bleib i liaba ledi halt,
Es is aloani aa net kalt!
Tra ra tra ra….
Text und Musik: Verfasser unbekannt –
mündlich überliefertes Gstanzl – Lied
