Dat es e Leedche koot un god
juchheidi, heida!
Dat Leedche vum Zylinderhot
juchheidi, heida!
Un wä do säht, dä stündt nit god
dä kennt nix vum Zylinderhot
Juchheidi, juchheida
juchheidi, heidalala,
Juchheidi, juchheida
juchheidi, heida
Un op Konzäät un Maskeball
juchheidi, heida!
Do dragen in de Häären all
juchheidi, heida!
Hä steiht innen op dem Kopp su stiev
wie gewichste Ovvepief.
Juchheidi…
Un wann em Dörp de Kirmes es
Dann dräht dä Buur in ganz gewess
Hä stölp in op dä Buurekopp
un läuf domet et Dörp erop.
Juchheidi…
Un es vörbei die Herrlichkeit
Dann weiß hä, wat hä domet deit
Hä schenk en enem Kappesbuur
dä schon lang steiht op der Luur
Juchheidi….
Dä stölp en op en lange Stang
Un mäht domet de Mösche bang,
De Mösch, die pieps, die Mösch, die loot
ganz ängslich nohm Zylinderhot
Juchheidi…
Dat es dat Leedche koot un god
Dat Leedche vum Zylinderhot
Un wäm et nit gefallen hät
dä geiht un läht sich en et Bedd
Juchheidi…
Text: Verfasser unbekannt ()
Musik: auf die Melodie Ich bin der Doktor Eisenbart ()
in Kölsche Lieder (ca. 1930)
