Und bald i mein Schimmel vakauf
aft geh i ins nächste Wirtshaus
dort hoaßt´s allweil „Segn Gott“
is dat nit a schöns Wort?
und aft sauf mr den ganzen Tag fort
Und bald mr koa Geld nit mehr habn
dann sauf mr glei no a weil dran
und der Wirt mit der Kreide
und der mag’s scho deleidn
und der tuat uns auf’d Wand aufi schreibn
Und bald er uns aber tuat mahn
dann sagn mr glei no nix von zahln
as wird scho zahlt sein
warum schenkt er uns ein
und an andersmal lassn mr’s scho sein
Von Sankt Peter kimmt scho dös Wort
in Himmel, da is a guats Ort
in Himm’l is a Wirt
und der alles regiert
der die Bsoffna zum Bierfaßl führt
aus Österreich , aus dem 19. Jahrhundert
