Bin a lustige Sennerin
drobn auf da Alm
kerngsund wia a Fischerl
und gschwind wia a Schwalm
Wia a Gams auf da Wand
lua i oachi ins Land
und luag oachi zan See
wia a Falka juchhe
Mei Röckl is zrissn
und Schuachlan vawetzt
und mei rupfanas Jankerl
hat da Regn danetzt
Mei Bett is a Mias
hei do schlaft ja sich süaß
und a Finkerl am Bam
singt mit ein bis i tram
Die andern werdn zwieda
müahselig und kleb
oba i bleib do lusti
solang als i leb
Und solang als i bin
bleibt mei lebfrischa Sinn
immer lusti, wohlauf
und an Juchza drauf
Text und Musik: Wallner ( Pokorn )
in Alpenrose (1924)
